كلنا طبعا شفنا
ماتش الاهلي
واسيك ابيدجان
في ختام دوري
المجموعات في دوري ابطال
افريقيا
كان نفسنا ميشاركش ابوتريكة
عشان اصابته متزيدش ويفضل يدي الاهلي ومصر من ابداعات
القدم الذهبية اللي بيطلع منها سحر
برغم كده نزل ابوتريكة يدوب تلت ساعة
ولقيت قلبي بيصفق له قبل ايديا
وصنع ابو تريكة امير القلوب الهدف الاول
وسجل الهدف التاني وفرحتي بيه عمالة تزيد
وانا بشوف اعادة الهدف الاول المح لاعب
من اسيك علي الارض وبرغم من كده
مرر ابو تريكة الكرة ومخرجهاش ف الاوت
زي ماكان بيعمل دايما بروحه الرياضية
اللي كل الناس عارفاها
سألت نفسي
هل مشافوش؟
هل شافه بس الواجب الوطني حتم عليه
يمرر الكورة؟
هل كان بيطلعها برة بس جلبرتو هو اللي
مفهمش وخدها وعرضها لفلافيو؟
اي حاجة في الدنيا اصدقها غير ان القديس ابو تريكة
يكون شاف اللاعب ونفض كأن شئ لم يكن
مش ممكن ابدا انا اصدق ان ابليس يصلي ويصوم
انما ابو تريكة يكون بلا خلق لا والف لا
كيف يمكن لهذه الابتسامة ان تكذب؟
No comments:
Post a Comment